თანამედროვე გაყივდები

თანამედროვე გაყივდები


დღევანდელ რეალობაში, გარწმუნებთ, რომ გაყიდვები ყველას გვჭირდება, მიუხედავად იმისა, უშუალოდ გაყიდვებში მუშაობთ თუ არა და გაქვთ თუ არა პროფესიული შეხება ამ სფეროსთან. 

ამ სტატიაში მოგიყვებით თუ რა არის თანამედროვე გაყიდვები და გავაკეთებთ ზოგად მიმოხილვას. 

პირველ რიგში, დავფიქრდეთ და ვიმსჯელოთ იმის შესახებ,  ნამდვილად ყველას სჭირდება გაყიდვების ცოდნა და ამ სფეროში გამოცდილება თუ არა. დარწმუნებული ვარ, ბევრი თქვენგანი გაიფიქრებს, რომ გაყიდვები არ გეხებათ.  ჩვენ ვფიქრობთ, რომ ყველა პროფესიის ადამიანს აქტიური შეხება აქვს გაყიდვებთან, მიუხედავად იმისა რას საქმიანობს, ვენახს ამუშავებს, ბუღალტრად მუშაობს, შვილებს ზრდის და ა.შ. 

გაყიდვები არის ნებისმიერი პროფესიის ადამიანისთვის საჭირო სფერო და სწორედ ამ აზრის განვითარებას ვაპირებთ ამ სტატიაში.  

რას წარმოადგენს გაყიდვები და რატომ ვფიქრობთ რომ ეს პრაქტიკულად ნებისმიერ პროფესიაში ხდება? გაყიდვები მოიცავს კომუნიკაციას, მოლაპარაკებებს და ადამიანების დარწმუნებას, რაც მთავრდება ურთიერთ მომგებიანი გარიგებით. კიდევ უფრო კარგად რომ გავიაზროთ ეს განმარტება, მაგალითად მოვიყვანოთ შვილის აღზრდა, არის თუ არა ეს საქმიანობა გაყიდვებთან დაკავშირებული? შვილის აღზრდის პროცესი მოიცავს თუ არა  კომუნიკაციას და შვილის დარწმუნების მცდელობას? მშობლის და შვილის კომუნიკაციაშიც უნდა არსებობდეს მოლაპარაკებების ისეთი პროცესი, რა დროსაც ორივე მხარე ურთიერთ მომგებიან გარიგებაზე თანხმდება. ყველა ნორმალურ ოჯახში, მშობლები ცდილობენ გამოიყენონ საკომუნიკაციო უნარები და შვილები დაარწმუნონ ფასეულობებში, ქცევის მნიშვნელობასა და ა.შ. თქვენ თუ ცდილობთ, რომ თავს მოახვიოთ თქვენი მოსაზრება, სერვისი თუ პროდუქტი მეორე ადამიანს ეს არა არის თანამედროვე გაყიდვები, თანამედროვე გაყიდვები გულისხმობს ისეთ გარიგებამდე მისვლას, რომელიც ორივე მხარისთვის ხელსაყრელია. 

თუ ეს არის გაყიდვების განმარტება შეიძლება ვთქვათ რომ ნებისმიერ ადამიანს სჭირდება ამ საქმის ცოდნა და უნარები იმისთვის, რომ თავის საქმე გააკეთოს.

მეორე ასპექტი, რასაც გვინდა რომ შევეხოთ არის სამსახურის ძიების პროცესი, კარიერულად განვითარების მცდელობა. მოიცავს თუ არა ეს პროცესი არსებულ და პოტენციურ დამსაქმებელთან მოლაპარაკებებს, რომელიც ორივე მხარისთვის ურთიერთ მომგებიანი შეთანხმებით უნდა დასრულდეს? თქვენ უნდა დაარწმუნოთ დამსაქმებელი რომ მისთვის სწორი კანდიდატი ხართ. 

ნებისმიერი მოლაპარაკების დროს, იქნება ეს მეგობრებთან საუბარი თუ დავა  პოლიტიკურ გარემოებაზე, თქვენ იმას კი არ უნდა ცდილობდეთ, რომ გამარჯვებული და დამარცხებული არსებობდეს საუბრის ბოლოს, თქვენი აზრი კი უნდა მოახვიოთ თავზე სხვებს, არამედ ეცადოთ, რომ ურთიერთშეთანხმების საფუძველზე ყველა კმაყოფილი დარჩეს საუბრით მიღებული შედეგით. ეცადეთ ნებისმიერ საკითხზე საუბრისას თუ მოლაპარაკებისას გაყიდოთ თქვენი კონცეფცია, გაყიდოთ თქვენი შეხედულებები, დაარწმუნოთ ადამიანები, რომ იყიდონ თქვენი ფასეულობების სისტემა და შეხედულებები, მაგრამ იმ პირობით, რომ ეს შეთანხმდება ურთიერთ ხელსაყრელი უნდა იყოს. 

შემდეგი საკითხი არის მაგალითები, მეზობლებთან ურთიერთობა, შვილების აღზრდა, სამსახურის პოვნა - ყველაფერი გაყიდვებს ეხება. თქვენ დღეს რასაც აკეთებდით ან რასაც აპირებთ რომ გააკეთოთ ისიც გაყიდვებია, თუ გინდათ, რომ თქვენი გაკეთებული რეპორტი ხელმძღვანელობას მოეწონოს ესეც გაყიდვების პროცესია, თუ გინდათ, რომ კლუბში თქვენმა ცეკვამ დაიმსახუროს მოწონება ესეც გაყიდვებია. ყველაფერში სადაც შედის კომუნიკაცია და ვცდილობთ დავარწმუნოთ სხვები რამეში ეს არის გაყიდვები, იმ პირობით რომ ურთიერთსასარგებლო გარიგებით უნდა დასრულდეს ეს პროცესი.

განვიხილოთ გაყიდვების ნაბიჯები. უნდა აღინიშნოს, რომ გაყიდვებში მთავარი მოქმედი პირი არის მყიდველი და არა გამყიდველი. ეს მნიშვნელოვანი საკითხია, რომელიც ხშირად ბევრ ადამიანს ყურადღების მიღმა რჩება. გვესმის, რომ თქვენ შეიძლება იყოთ კომპიუტერული სისტემების, ტრენინგების ჩატარების, სამედიცინო ტექნოლოგიების ექსპერტი, მაგრამ მყიდველი ყიდულობს თავისი საჭიროებების მიხედვით და არა თქვენი ცოდნის მიხედვით, თავისი საჭიროებების ექსპერტი კი თავად მყიდველია. შვილის აღზრდაზე რომ ვლაპარაკობთ, სწორედ თქვენმა შვილმა იცის მას რა უნდა და რა შემთხვევაში და რა პირობებით წაიკითხავს წიგნს ან იმეცადინებს. ძველი შეხედულება რომ ვინმეს შეიძლება თავს რამე მოვახვიოთ გაყიდვებშიც და ნებისმიერ სხვა ურთიერთობაშიც მოძველებულად და არაეფექტურად ითვლება. გაყიდვებში მთავარი არის მყიდველს რა უნდა, გამყიდველი არის მეორეხარისხოვან როლში. ხშირად ამას გაყიდვები ვერ ხვდებიან და ნაცვლად იმისა, რომ მყიდველს მოუსმინონ და სწორი კითხვები დაუსვან, მხოლოდ თვითონ ლაპარაკობენ და ცდილობენ თავს მოახვიონ თავიანთი პროდუქტი თუ სერვისი. მოკლედ რომ ვთქვათ, როგორც გამყიდველებმა, ცოტა უნდა ვილაპარაკოთ და ბევრი მოვუსმინოთ, განსაკუთრებით მაშინ, როდესაც მოლაპარაკებების ადრეული ეტაპია. 

როგორც აღვნიშნეთ, მთავარ როლში არის მყიდველი, თქვენ შვილს თუ არწმუნებთ რამეში თქვენი შვილია მთავარ როლში, მეგობრებთან, მეზობლებთან თუ ცდილობთ საერთო ენის გამონახვას ისინი არიან მთავარ როლში. გაყიდვების პირველი ამოცანაა გავიგოთ თუ რა უნდა მყიდველს.

შემდეგი ნაბიჯი, რაც უნდა გადავდგათ არის საკუთარი თავის და ჩვენი განზრახვის ნათლად ჩამოყალიბება, ადამიანმა რაც შეიძლება პირდაპირ და გასაგებად უნდა ახსნას ვინ არის და რას წარმოადგენს. 

მე თუ მისული ვარ ორგანიზაციაში იმისთვის, რომ ამირჩიონ ტრენერად მე უნდა ვთქვა ვინ ვარ, რას წარმოვადგენ და რა მიზანს ისახავს ჩვენი კომუნიკაცია. ხშირად პირდაპირ საქმეზე გადავდივართ ისე, რომ გარკვევით არ გვითქვამს ვინ ვართ და რა გვინდა. 

მე თუ თქვენ გთავაზობთ Flowmaster.online Youtube  არხის გამოწერას, პირველ რიგში, უნდა მოგაწოდოთ ინფორმაცია თუ ვინ ვარ მე, რა არის Flowmaster online და რა მიზანს ემსახურება ჩემი საუბარი, რატომ გაწვდით ამ ინფორმაციას.   

განზრახვის დეკლარაცია არის ალიან მნიშვნელოვანი, ამის გარეშე თქვენი მყიდველი შეიძლება დაიბნეს ან შეგრძნება ჰქონდეს რომ მისით მანიპულირებენ. მეზობელთან თუ მივდივართ უნდა ვუთხრათ რომ მინდა მოგელაპარაკო მანქანის გასაჩერებელი ადგილის თემაზე ან რემონტს ვგეგმავ არ მინდა ზედმეტად შეგაწუხოთ... მოლაპარაკებების დაწყების გამჭვირვალობა არის კრიტიკულად მნიშვნელოვანი.  

შემდეგი საფეხური იქნება მყიდველის საჭიროებებზე დაყრდნობით სარგებლის დანახვება. მხოლოდ ის შეთავაზება გაიყიდება ,რომელშიც მყიდველი დაინახავს სარგებელს. თუ თქვენი შვილი ვერ გაიგებს რატომ არის კარგი წიგნების წაკითხვა ან მეცადინეობა, არც წაიკითხავს და არც იმეცადინებს, თუ მეზობელი ვერ მიხვდება რატომ უნდა დაგითმოთ პარკინგის ადგილი და რატომ უნდა შევიწროვდე, თქვენ ამას ვერც მოსთხოვთ და ვერც შედეგიანად დაასრულებთ მოლაპარაკებას. ნებისმიერ შემთხვევაში ადამიანმა უნდა დაინახოს იმ ქმედების სარგებელი, რის შესრულებისკენაც უბიძგებთ. 

მეზობელთან კარგი ურთიერთობის ჩამოყალიბებაზე შეიძლება გქონდეთ საუბარი, დაანახოთ, რომ მომავალში თქვენც დაეხმარებით, დაუდგებით გვერდში. გაყიდვების დროს არ არსებობს არანაირი გარანტია, რომ გაყიდით. თქვენ სწორი მიდგომებით შეგიძლიათ მაქსიმუმამდე მიიყვანოთ სასურველი შედეგები. 

თქვენ თუ არ იცით რა ინტერესები და რა საჭიროებები აქვს მეორე ადამიანს ვერ შეძლებთ მისთვის ხელსაყრელი შეთავაზების გაკეთებას. 

დავუშვათ დავანახეთ სარგებელი და მივიღეთ თანხმობა, შემდეგი ნაბიჯი არის რომ პირობებზე და გეგმაზე კარგად უნდა მოველაპარაკოთ, ხშირად გვეშლება და გვგონია, რომ თანხმობის მიღების შემდეგ სრულდება მოლაპარაკებები, რეალურად დეტალებზე მოლაპარაკებები სწორედ აქ იწყება. რა ფასს იხდის დამკვეთი, როგორი გადახდის გრაფიკი ექნება, როდის დაიწყებს შვილი კითხვას, რამდენ ხანში მორჩება, როგორ გაკონტროლდება კითხვის პროცესი, როდიდან შეძლებთ მეზობლის საპარკინგე ადგილზე მანქანის გაჩერებას და ა.შ. ნებისმიერ ურთიერთობაში დეტალური გეგმა გჭირდებათ. აუცილებელია ვიცოდეთ სწორად მიმდინარეობს თუ არა პროცესი რაზეც შევთანხმდით. 

ასევე მნიშვნელოვანია გვახსოვდეს, რომ ხანდახან ვერ შევთანხმდებით დამკვეთთან, მეზობელთან თუ შვილთან, ამ დროსაც მნიშვნელოვანია თუ როგორ დავასრულებთ მოლაპარაკებებს. სწორედ აქ გამოირჩევიან კარგი გამყიდველები, ისინი ყოველთვის ცდილობენ, რომ გრძელვადიან მიზნებზე იზრუნონ, თქვენ თუ გაღიზიანდებით უარის მიღებით, შემდეგი მოლაპარაკებებიც დასაწყისშივე წარუმატებლობისთვის იქნება განწირული. როდესაც საქმე გაყიდვებს ეხება, ნებისმიერ შემთხვევაში გამყიდველმა უნდა იფიქროს გრძელვადიანი ურთიერთობის მშენებლობაზე, თუ დღეს ვერ შეთანხმდით კონკრეტულ საკითხზე, მომავალში კიდევ უნდა გქონდეთ საშუალება რომ დამკვეთთან, მეზობელთან თუ შვილთან მოლაპარაკებები წამოიწყოთ. თუ მოლოდინი გაქვთ, რომ თქვენი ყველა მოლაპარაკება წარმატებით დასრულდება გულდაწყვეტის მეტი არაფერი გელით.

ხანდახან მოგებაზე მნიშვნელოვანია წაგების დროს როგორ იქცევა გამყიდველი. უნდა გამოვიჩინოთ მოთმინება და კიდევ ერთხელ უნდა დავადეკლარიროთ რომ ჩვენი მიზანი არის საბოლოო ჯამში ურთიერთობების გამყარება. ჩვენ დღეს შეიძლება ვერ შევთანხმდეთ თანამშრომლობაზე, მაგრამ იმაზეც უნდა შევთანხმდეთ რომ ვერ შევთანხმდით. 

ირინა მამულაიშვილი — სტატიის ავტორი
ალექსანდრე ჯეჯელავა — კონტენტის ავტორი
22 ნოემბერი 2022 დაგვიკავშირდით

მსგავსი ბლოგები

გაყიდვის I პრინციპი: დახმარება გადაწყვეტილებაში

არსებობს გაყიდვების 5 პრინციპი, რომელიც ნებისმიერი ორგანიზაციისთვის, ნებისმიერ სფეროში, განვითარების ნებისმიერ ეტაპზე ძალიან მნიშვნელოვანია. პირველი ესაა დახმარება გადაწყვეტილების მიღებაში . . .

გაყიდვის II პრინციპი: გაყიდვები უნდა იყოს პროაქტიული

გაყიდვების 5 პრინციპს შორის, მეორე პრინციპი - გაყიდვები არის პროაქტიული და არა რეაქტიული პროცესი. . . .

გაყიდვის III პრინციპი: პროდუქტის შესატყვისობა

გაყიდვების მესამე პრინციპია, რომ პროდუქტი უნდა შეესაბამებოდეს კლიენტის საჭიროებას. როგორ უნდა დავადგინოთ პროდუქტის შესაბამისობა? . . .

გამოიწერეთ ვიდეოები და სიახლეები